تجآرب أكل كوري

.

.
#تجربة رامن بحساء الشعيرية *شن رامن*

Ashampoo_Snap_2016.06.25_20h10m20s_124_.png

– الصورة ليست من تصويري –

كنت متحمسه لتجربة الرامن هذا! ولا سيما انه اول رامن جربته بحياتي !! وكنت متحمسسه لان بالمسلسلات حسسوني ان هذا الشي فيه لذه اووف بسس XD

طبعا اول شي أتكلم عن البهارات , كيس البهارات يخوف ههههههههه فيه كمية كثيره من البهارات لدرجة فكرت اني لو اقللها 🙂 , بس بعدين قلت لا بجربه زي ماهو .

الريحة صراحه كانت مشهيه جججججدا ججدا! وتصك بالراس ! لا سيما ان ريحة الفلفل كانت طالعه وكذا !

نجي للطعم ! , جربت الشوربة بالاول! وبالفعل مثل ماتوقعت كان طعم البهارات رههههيب طالع بدون مبالغه في الطعم ! وحرارة الشوربة متوسطه ! لااااااذعه كأن فيها خل !! اعجبتني ججججدا !!

المكرونه ما تشربت النكهه كثير فكان طعمها مكرونه لا اقل ولا اكثر ! , فَ المره الثانيه لما سويته اضفت صوص صويا وصراحه كانت إضافة نكهه جييده! وجاء الرامن متكامل تماما بالنسبة لي بعد إضافة الصويا *^*

@wjjdo

________________________________________________

#تجربة الرامن بنكهة الكمتشي

– صورة الرامن المكيّس ليست من تصويري –

الكمتشي! وما ادراك مالكمتشي!! , تخيّل مكرونه بمخلل ما ! … TT TT

طبعا كل او معظم الرامن الاسيوي يحتوي بالداخل على مغلفين! مغلف للبهارات , ومغلف للاضافات المجففة ! طبعا لما أقول إضافات مجففه مو زي حقت الاندومي اللي عندنا ! شي صغير ومحنا متأكدين اش هو XD !!

لا فعلا شي حقيقي !! اذا كان مأكولات بحرية بتحصّل مأكولات بحرية مجففه ! واذا خضار بتحصّل خضار مجفف جزر وبصل وو..الخ .

طبعا هذا بالكمتشي! فَ أكيد اللي مجفف رح يكون عباره عن قطع كيمتشي مجففه ونوري أتوقع *اعشاب بحرية* ! تقريبا هذا اقوى رامن يحتوي على نكهات قد جربته !! وافضضضل رامن بالنسبة لي !!!! حرفيا ممتاز لابعد حد TT TT

استحالة ما اقضّي مؤونه الشهر بدونه XD , الحلو في الاكواب انها سريعة التحضير وماتحتاج مواعين 🙂

ولكنّي افضل الرامن المكيّس , لانه فكل شي افضل! بالطعم ! بقوة النكهه ! بقوام المكرونة ! بككل شي حرفيا ! , رامن الكمتشي المكيّس ممتاز حتى بالاضافات المجففه اللي فيه! بتحصل الكمتشي القطع حقته اكبر , وبمجرد طبخه يصير كمتشي حرفيًا , وهذا رح يضيفلك نكهه اقوى من اللي بتحصلها بالكوب !!!

وطبعا بإضافة صوص الصويا! لآ احكيلك اش ممكن تحصّل من طعم! TT TT , للي ودّه يجرب رامن انا انصحه بهذه النكهه وبششششششششششششده!!!!!

حتى اللي جربوا مخلل الكمتشي وماعجبهم! هذا الرامن رح يعجبكم ( اعطوه فرصه ) *^*

@wjjdo

________________________________________________

#تجربة الرامن بالمأكولات البحرية

– الصور ليست من تصويري –

هذا افضل ثاني رامن بالنسبة لي , بالرغم من كثير من اللي اعرفهم ما تقبّلوا طعمه !

هذا عباره عن كيس متفجّر بالنكهات بعد الكمتشي !!! *A* , وغير كذا سبايسي ! هو ماهو حار قد مايخليك تعرّق! وتحس حراره داخليه! مو وصف مبالغ فيه .. بس هذا جد اللي يصير لما تآكله وتسوّيه على اصوله !!

طبعا يحتوي على مغلفين ! مغلف بهارات , ومغلف يحتوي على أكل بحري مجفف ! اكيد بتقولون يعع اكل بحري مجفف واكيد مخيس ! , مو لازم تاكلونه ضيفوه للنكهه بس !! لانه فعلا يضيف نكهه قويه للرامن ..

لاذذع! سبايسي ولكن مايحرق باللسان! يحرقك من جوا كذا (لازم تاكلونه عشان تفهمون) , وهي المكرونه الوحيده اللي حسيتها تتشبّع بالنكهه على طول (طبعا بالرامن المكيّس فقط ) ! وحرفيا من افضل أنواع الشوربة اللي ممكن تشربها! وعندك احتقان والا شي ! آخخخخ شعووور فنّااااااااااااااااااااااااااااااااااننن !!!! YuY

انصحكم بتجربة هذا النوع قبل تحكمون عليه !

@wjjdo

________________________________________________

Ashampoo_Snap_2016.06.25_20h10m33s_125_.png

#تجربة مخلل الكمتشي الكوري الشهير!!

اللي يعرف الكمتشي وماجرّبه! انت ما تستحق المعرفة يا أخي 🙂

تعرفون مكونات الكمتشي صح ! خس صيني و خضار وصوص السمك واشياء كذا تخوف XD , وللي ماقد جرّب الكمتشي ترا ريححته تججججججججججيب الصرع! بسبب صوص السمك هذا وكمية الثوم اللي يحطونها X)

ولكن! برضو لا تحكم بسرعه ! اول شي احب اقلكم جربوا الكمتشي الأصلي اللي هو سبايسي ومخمّر على الطريقة الكوريه! , يا أخي هذا المخلل الوحيد اللي ممكن تطلق عليه مخلل!!!! فيه مجمّع من النكهات ! لا اله الا الله TT TT !! , نكهااات جااااااااااااااامددده , وكل شي مضاف للمخلل اقوى من الثاني !

هذا المخلل من النوع اللي ماودك تاكله عشان لا يخلص ! واذا جربته تحسه يصير إضافة رئيسية للسفره TAT

< كلامي كثير هههههههههه

نجي للطعم! , طعم الخس تقريبا مختفي! بس القرمشة حقته زايده , لاذذذع! وحارر طبعا , يلسسع كذا ! الجزر والخضار الثانيه ضايفه نكهه عججيبه بالمخلل !! + تحس طعم بهارات مخفيه بالرغم ان بهاراته ماهي كثيره , ولكن التخمير كم يوم خلاها قويه ! , ممكن تضيف غطاء خل على كل كمية تضيفها ع السفره يضيفلك نكهه رااااااااااااااااااااااائعه جججدا جججدا!!!

لكل محبي النكهات الغريبة! والمخللات العجيبه! الكمتشي لا يروح عليكم !!

@wjjdo

________________________________________________

Ashampoo_Snap_2016.06.25_20h12m12s_131_

#تجربة مخلل الفجل الأصفر ~

هذااا الشي اللي ما دخل مزاجي! لاني اكررره الفجل ججدا !! XD

ولكنّي مره رحت مطعم القصر الكوري بجده! وطلبت طبق جابولي هذا الفجل معاه !! وكاانت تجربتي الأولى له هناك ..

طبعا غير انه يقرمش! *اعشق المقرمشات مع الاطباق الرئيسية* , كان طعمه رائع جججدا! وحبيت الفججل من بعده! هههههههههه < لا امزح بس حبيت ذا XD

بصراحه عجزت اطلّع اش النكهات اللي فيه! ولكن كان لاذع !! وهذا اللي صررعني اكثر شي ! , نكهته ما كانت زي طعم الفجل الأبيض اللي نعرفه! , كذا طعم صراحه اعجز عن شرحه !! , ولكنه عججبني جدا! لدرجة اني طلبت إضافة ثانيه منه !! < ماامزح XD

وطبعا الله يسامحهم ادمنته 🙂

اللي بجده وماجرب القصر الكوري *لازم تروحله*

واللي يحب المخللات وماجرب الفجل الأصفر *GO AHEAD*

@wjjdo

________________________________________________\

______________________________________

*سيتم إضافة المزيد من التجارب*

يمكنك أيضا مشاركتنا تجربتك لسناك آسيوي ( ياباني . صيني , كوري , تايلندي , …الخ ) بإرسالها على : K_shoppu@hotmail.com مع عنوان ( مشاركة سناك آسيوي )

( لطلب الأكل الكوري انقر هنا )

.

.

Advertisements